જળસપાટી ધરાવતી હોય તેવી વધુ ‘સુપર અર્થ' મળી આવી

               વિજ્ઞાનીઓએ નવા ૧૫ ગ્રહની શોધ કરી છે જેમાં એક ‘સુપર અર્થ'નો પણ સમાવેશ થાય છે. વિજ્ઞાનીઓ માને છે પૃથ્વી જેવા લાગતા આ ગ્રહ પર પાણી છે અને તે જીવન માટે ઉપયોગી બને તેમ છે. 

             જાપાનની ટોક્યો ઈન્સ્ટીટ્યુટ ઓફ ટેક્નોલોજીના તેરુયુકી રિહાનોની અધ્યક્ષતામાં બનેલી ટીમે રેડ ડ્વાર્ફ સિસ્ટમની આસપાસ ફરી રહેલા આ ૧૫ ‘એક્સોપ્લાનેટ'ને પુષ્ટિ આપી છે. આ પૈકી એક K૨-૧૫૫ નામનો રેડ ડ્વાર્ફ છે જે પૃથ્વીથી ૨૦૦ પ્રકાશ વર્ષ દૂર આવેલો છે. એસ્ટ્રોનોમિકલ જર્નલમાં આ સંસોધન પ્રસિધ્ધ થયું છે અને નાસાના કેપલર સ્પેસ ક્રાફ્ટના બીજા મિશનામાંથી તેના અંગેનો ડેટા કલેક્ટ કરાયો છે.